AEDONA, Nafarroako Kirol eta Aisialdi Entitateen Elkartea, Nafarroako irabazi-asmorik gabeko 12 kirol- eta aisialdi-entitatez osatuta dago. AEDONA 2006an sortu zen, klub horiek elkarlanean xede hauek lortu nahi zituztelako:

• Era guztietako jarduerak sustatzea (kirolekoak, kulturalak, sozialak, olgetakoak eta aisiakoak) gizarte osoarentzat, bereziki AEDONAko bazkideentzat.
• Konferentziak, solasaldiak eta ikastaroak antolatzea, baita haiekin lotutako edozein motatako jarduerak edo programak ere, zabalpenekoak eta prestakuntzakoak, teknikari, profesional, laguntzaile, zuzendari, bazkide edo publiko orokorrarentzat betiere.
• Entitateen beraien arteko eta haien kideen arteko harremanak sustatzea, baita entitateen kide direnek kultura, kirol eta aisiarekin lotuta eskaintzen dituzten jarduera guztiak ere.
• Elkarrekin lan egitea eta elkarri laguntzea kide diren entitateen helburuak lortzeko, AEDONA kluben arteko aldeak eta bakoitzaren barne-antolakuntza errespetatuz.
• Kide diren entitateen zerbitzu eta ondasun komunen eskuratzea eta erosketa koordinatzea.
• Administrazio publikoen ordezkariekin izan beharreko harremanak koordinatzea AEDONAra atxikitako kirol- eta aisialdi-entitate guztien eskubide eta interes komunak defendatzeko.

AEDONAk Nafarroan aurkitzen dugun gizarte anitzaren isla izan nahi du, nola eta behar komunak asetzeko moduko topagune bat bilatuz.

Nafarroako kirol- eta aisialdi-entitate pribatuek komunitatea hainbat arlotan (sozialean, sanitarioan, kirolekoan eta kulturalean) garatzen laguntzen duen egitura bat osatzen dute, eta, horrez gain, fenomeno berezi bilakatu dira, errotu-errotua herritarren artean, beste hiriburu edo hiri garrantzitsu batzuetan ematen ez dena, alegia.